പോരുന്നോ എന്റെ കൂടെ?? Please click on Join this site button..

Thursday, August 4, 2016

സ്നേഹമുള്ള അട്ട..

"നമസ്കാരം.. നമുക്കെന്നാ ചർച്ചയിലേക്ക് കടക്കാം.. എറണാകുളം ഇൻഫോപാർക്കിലെ തപസ്യ ബിൽഡിങ്ങിൽ പ്രവർത്തിക്കുന്ന ഒരു പ്രമുഖ ക്യാന്റീനിൽ... "
"എടേയ്.. എടേയ്.. നിർത്തിനിടെയ്.. പ്രമുഖ കാന്റീൻ എന്നാ.. പേര് പറയാൻ പറ്റൂലേ ??"
"അങ്ങനെ പാടില്ലെന്നാ.. സാധാരണ ഇങ്ങനെ വരുമ്പോൾ കേട്ടിട്ടില്ലേ, പ്രമുഖ വ്യവസായി,പ്രമുഖ ആശുപത്രി എന്നൊക്കെ.. അത് പോലെ.."
"ഓ.. അപ്പൊ സ്നേഹ എന്നൊന്നും പറയാൻ പറ്റില്ലല്ലേ.. എന്നാ വേണ്ട.."
"എറണാകുളം ഇൻഫോപാർക്കിലെ തപസ്യ ബിൽഡിങ്ങിൽ പ്രവർത്തിക്കുന്ന ഒരു പ്രമുഖ ക്യാന്റീനിൽ നിന്നും ഓർഡർ ചെയ്ത സവാള വടയിൽ നിന്നും അട്ടയെ കിട്ടി എന്നതാണ് നമ്മുടെ വിഷയം..പറയൂ എന്താണ് സംഭവം. ,എപ്പോഴാണ് അട്ടയെ കിട്ടിയത്.."
"ഓഗസ്റ്റ് 4  വൈകുന്നേരം ചായയുടെ കൂടെ കടി കിട്ടുമോന്നു ചോദിച്ചതാ..അവർ കടി കിട്ടുമോ എന്ന് മാത്രേ കേട്ടുള്ളൂ എന്ന് തോന്നുന്നു. അതോണ്ടാവും അട്ടയുള്ള സവാള വട തന്നെ എടുത്ത് തന്നത്..ഒരു സവാള മാത്രം എന്താ ഇങ്ങനെ കരിഞ്ഞിരിക്കുന്നേ എന്ന് നോക്കിയപ്പോ ആട്ടയങ്ങു നീണ്ടു നിവർന്നു കിടക്കുകയാ... "
"എന്തായിരുന്നു അപ്പോൾ അട്ടയുടെ അവസ്ഥ??"
"അട്ടയുടെ അവസ്ഥ എന്തായിരുന്നു എന്നറിയില്ല.. പക്ഷെ അത് കിട്ടിയവരുടെ അവസ്ഥ വളരെ വളരെ നല്ലതായിരുന്നു.. "
"അതല്ല.. അട്ട ചത്തിരുന്നോ അതോ ജീവനോടെ ആയിരുന്നോ എന്ന്.."
"അത് പിന്നെ.. അട്ട നമ്മളെ പോലെ പ്രതിരോധ കുത്തിവെപ്പൊന്നും എടുക്കാറില്ലല്ലോ.. സോ ചൂടുള്ള എണ്ണയിൽ വീണപ്പോൾ തന്നെ ചത്ത് കൊടുത്തതാവാനാ സാധ്യത.."
"പക്ഷെ അവർ പറയുന്നത് ആ വട പുറത്തു നിന്ന് വാങ്ങിയതാണ് എന്നാണല്ലോ.."
"അങ്ങനെയാണേൽ അവർ നാളെ വല്ല പെരുച്ചാഴിയോ,അല്ലേൽ വല്ല വിഷമോ കലക്കി തന്നു, ദിസ് ഈസ് നോട്ട് മേഡ് ഫ്രം ഹിയർ..മേഡ് ഫ്രം കുന്നംകുളം എന്നൊക്കെ പറഞ്ഞാൽ നമ്മള് മിണ്ടാതിരിക്കണോ ??"
"മിണ്ടാതിരിക്കുന്നതല്ലേ ഇതിനും നല്ലത്.. ഇതിനുമുമ്പ് പാറ്റയും,പിന്നെ ബാൻഡ് എയ്ഡും കിട്ടിയിട്ടും എന്തുണ്ടായെന്നാ??ബാൻഡ് എയ്‌ഡ്‌ കട്ലെറ്റിൽ ചെറിയ മുറിവുണ്ടായത് കൊണ്ട് ഒരു ഫസ്റ്റ് എയ്ഡ് എന്ന നിലക്ക് കെട്ടിയതാണ് എന്നല്ലേ പറഞ്ഞെ.."
"അതല്ല പിള്ളേച്ചാ.. ഇന്നവർ പിന്നാമ്പുറം കാണിച്ചു.. നാളെയവർ ഉമ്മറം കാണിച്ചാലോ എന്ന് പേടിച്ചിട്ടാ..."
"എന്തുട്ട്‌ ??"
"അല്ല.. പെരുച്ചാഴി,പാമ്പ്,പരാമർ തുടങ്ങിയ എന്തേലും കിട്ടുന്നതിന് മുമ്പ് ഒന്നുറക്കെ നിലവിളിക്കുവുകയെങ്കിലും ചെയ്യാലോ എന്ന് കരുതിയാ.. ഒന്നുറക്കെ നിലവിളിച്ചിരുന്നെങ്കിൽ ഞാനുണർന്നേനെ എന്നാണല്ലോ ശാസ്ത്രം.."
"ഉവ്വുവ്വ്.. ഉണരുന്നതും കാത്തു തെക്കോട്ടു നോക്കി നിന്നോ.. നിങ്ങൾക്കത് ബഹിഷ്‌കരിച്ചൂടെ.."
"അതിനെല്ലാരും വിചാരിക്കണ്ടേ.. ഇന്നലെ അവിടെ അത്രേം ബഹളം നടക്കുമ്പോൾ അകത്തു ഇതുവരെയില്ലാത്ത കച്ചോടം നടക്കുകയായിരുന്നു. ആ കച്ചോടം കണ്ട് അവരെല്ലാ ദിവസവും അട്ട പൊരിച്ചു തരുമോ എന്നാ ഇപ്പോഴത്തെ പേടി.."
"അതെന്താ അങ്ങനെ.."
"ആർക്കും വേറെ വഴിയില്ല .. ആ കട മാത്രേ ഉള്ളൂ.. അതോണ്ട് കണ്ണടച്ചു അവിടന്നു തന്നെ കഴിക്കുന്നു.. അവർ അത് മുതലാക്കുന്നു..ഹോട്ടൽ എന്ന് വെച്ചാൽ വെറും ബിസിനസ് മാത്രമല്ല,ഒരൽപം സേവനം കൂടിയാണ് എന്ന് മനസ്സിലാക്കാത്ത ഇതുപോലോത്തെ ബിസിനസ് മൈൻഡഡ്‌ ആൾക്കാർ ഉള്ളടുത്തോളം ഇതുപോലുള്ള പലതും കാണേണ്ടി വരും.."
"ശോ.. പതറ്റിക്.. എന്നാ ഇവർക്ക് വല്ല വിഷവും കലക്കി തന്നു ഒറ്റയടിക്ക് എല്ലാത്തിനേം കൊന്നൂടെ.."
"ഏയ്.. അതില്ല. ഒറ്റയടിക്ക് കൊല്ലൂല .. ഇഞ്ചിഞ്ചായി മരിച്ചാ മതി നീയൊക്കെ.. അതാണ് ലൈൻ.. "
"ഉം.. പക്ഷെ കാന്റീൻ മൂന്ന് ദിവസത്തേക്ക് അടച്ചിരിക്കുകയാണ് എന്നാണല്ലോ കേട്ടത്.."
"അതൊക്കെ കോമേഡിയല്ലേ ചേട്ടാ.. സാധാരണ ശനീം ഞായറും അവധി ദിവസമാണല്ലോ.. ഇതിപ്പോ എന്താ,ഒരു ദിവസം കൂടുതൽ അടച്ചു എന്ന് മാത്രം... "
"ഉം.. ഇതൊക്കെ കേട്ടിട്ട് മെമ്പർ താഹിർ  എന്താ മിണ്ടാതിരിക്കുന്നെ.."
"ഏയ്,, ഞാൻ ഇമ്മാതിരി കാര്യങ്ങളിലൊക്കെ കേറി അഭിപ്രായം പറയുന്നതങ്ങു നിർത്തി.. ഇതിപ്പോ അട്ടയെ അവഹേളിച്ചു എന്നും പറഞ്ഞു മൃഗ സംരക്ഷണ വകുപ്പുകാർ വന്ന് കേസ് എടുത്ത് നിന്നെയൊക്കെ കൊണ്ടുപോയി ജയിലിൽ അടക്കും.. അവരൊക്കെ അന്ത മാതിരി പെരുമയാന ആള്.. തെരിയുമ.. "
"ങേ.. അതും ശരിയാ.."
"സൊ ഗോ യുവർ ഓഫീസെസ്, ഡൂ യുവർ വർക്ക്,ടേക്ക് സം ബ്രേക്ക്,ഈറ്റ്‌ സം അട്ടഫ്രൈ..ഹാവ് ഫൺ..."

5 comments:

  1. "അത് പിന്നെ.. അട്ട നമ്മളെ പോലെ പ്രതിരോധ കുത്തിവെപ്പൊന്നും എടുക്കാറില്ലല്ലോ.. സോ ചൂടുള്ള എണ്ണയിൽ വീണപ്പോൾ തന്നെ ചത്ത് കൊടുത്തതാവാനാ സാധ്യത.."

    അത് പൊളിച്ച്... :)

    ReplyDelete
  2. Choodu ennaye prathirodikan kuthiveppo,namukko!�� Luvd ur writing as always, esp the last "charithramakuna" cmt�� dunno why the officials are so lenient on such activities!!keep up ur good work and really wish this can be an eye opener for many! Btw, u got that lovely creature or any of our friends??

    ReplyDelete
  3. Choodu ennaye prathirodikan kuthiveppo,namukko!�� Luvd ur writing as always, esp the last "charithramakuna" cmt�� dunno why the officials are so lenient on such activities!!keep up ur good work and really wish this can be an eye opener for many! Btw, u got that lovely creature or any of our friends??

    ReplyDelete
  4. കണ്ണൂര്‍ പാസഞ്ചര്‍ സ്റ്റാര്‍ട്ട്‌ ആയല്ലോ? കൊള്ളാം...

    ReplyDelete
  5. പാസ്സഞ്ജർ..കലക്കനായിട്ടുണ്ട്‌.സൂപ്പർ!!!

    ReplyDelete

ഈ പോസ്റ്റ്‌ വായിച്ചിട്ട് നിങ്ങള്‍ മിണ്ടാതെ പോയാല്‍ ഇവിടൊന്നും സംഭവിക്കില്ല,സാധാരണ പോസ്റ്റ്‌ പോലെ ഈ പോസ്റ്റും കടന്നു പോകും..
പക്ഷെ നിങ്ങളുടെ ഒരു കമന്റ്‌, അത് ചരിത്രമാകും.. പിന്നാലെ വരുന്ന ഒരുപാട് പേര്‍ക്ക് കമന്റ്‌ എഴുതാന്‍ പ്രചോദനം നല്‍കുന്ന ചരിത്രം.. :)

മുഖം മനസ്സിന്റെ കണ്ണാടി.. മുഖപുസ്തക അഭിപ്രായം ഇവിടെ...