പോരുന്നോ എന്റെ കൂടെ?? Please click on Join this site button..

Tuesday, November 8, 2011

പെണ്ണുകാണല്‍...

ഇത് സിനുവിന്റെ കഥയാണ്..
(എന്താന്നറിയില്ല.. കഥയെഴുതാന്‍ തുടങ്ങുമ്പോള്‍ പേരിന്റെ സ്പെല്ലിംഗ് തെറ്റുന്നത് എനിക്കൊരു പതിവായിട്ടുണ്ട്.. ഒരുപക്ഷെ ഞാന്‍ എന്നെ ഒരുപാടു സ്നേഹിക്കുന്നത് കൊണ്ടായിരിക്കും.. അല്ലേല്‍ എന്‍റെ ആരോഗ്യം കാത്തു സൂക്ഷിക്കേണ്ടത് ഞാന്‍ തന്നെയാണ് എന്ന പൂര്‍ണ വിശ്വാസം എന്നില്‍ ഉള്ളത് കൊണ്ടാവാം.. ഏതായാലും ഇത് സത്യമായും സിനുവിന്റെ കഥ തന്നെയാണ്..വേറെ ആരേലും ഇത് എന്‍റെ കഥയാ എന്നും പറഞ്ഞു എന്നെ "സ്നേഹിക്കാന്‍" വരരുത്..പ്ലീസ്....)
ഇനി കഥയിലേക്ക്‌..

സിനു.. മധ്യ കേരളത്തിലെ ഒരു ജില്ലയില്‍ ജനിച്ചു വളര്‍ന്ന ഒരു സുന്ദരന്‍..
(സുന്ദരന്‍ എന്നത് ഇരട്ട പെരോന്നുമല്ല.. ശരിക്കും സുന്ദരന്‍ തന്നെ..)
വയസ്സ് 28 ,പക്ഷെ കണ്ടാല്‍ 18 വയസ്സ് തികയാത്ത ഒരു കൊച്ചു പയ്യന്‍..
അവന്‍ തടിക്കാത്തതിന്‍റെ കാരണം അന്വേഷിച്ചാല്‍ പലരും പലതു പറയും..

"ആരോഗ്യം സൂക്ഷിക്കാന്‍ വേണ്ടി ഭക്ഷണം കുറച്ചത് കൊണ്ടാ താന്‍ തടിക്കാത്തത്" എന്ന് സിജി..
"ഈ കുരുതംകെട്ടവന്റെ ആക്രാന്തം പിടിച്ച ഭക്ഷണ ശീലം കാരണം വീട്ടിലെ മറ്റുള്ളവര്‍ പട്ടിണി കിടന്നു തീരാറായി " എന്ന് അവന്‍റെ വീട്ടുകാര്‍..
"ആരൊക്കെ വെറുത്താലും പിന്തള്ളിയാലും അവന്‍ എനിക്ക് പരിശുദ്ദമാക്കപ്പെട്ടവനാണെന്ന് " എന്ന് അവന്‍ കാരണം ഹോട്ടല്‍ കച്ചവടത്തിലുടെ ലാഭം കൊയ്ത രാമു മുതലാളി..
"അവന്‍ എന്നേലും തടിക്കും.. കാരണം ഞാന്‍ പള്ളിയിലേക്ക് നേര്‍ച്ച നേര്‍ന്നിട്ടുണ്ട് " എന്ന് അവന്‍റെ മാതാവ്‌..
എന്തായാലും ഒരു കൊച്ചു പള്ളി രണ്ടു നിലയില്‍ ആയി എന്നല്ലാതെ അവന്‍ തടിച്ചില്ല....

എന്തായാലും പ്രായമായ എല്ലാ ചെറുപ്പക്കാരെയും പോലെ അവന്‍റെ മനസിലും ആ ഒരാഗ്രഹം മുളച്ചു..
കല്യാണം കഴിക്കണം എന്ന ആഗ്രഹം.... !!!!

കേട്ടവര്‍ കേട്ടവര്‍ അവന്‍റെ "അത്യാഗ്രഹം " ഓര്‍ത്തു ചിരിച്ചു..
"കല്യാണം കഴിക്കണേല്‍ മിനിമം താലി കെട്ടാനുള്ള ആരോഗ്യമേലും ഉണ്ടാകണം " എന്ന സിനിമ വാചകം എല്ലാവരും ആവര്‍ത്തിച്ച്‌ പറഞ്ഞു..
പക്ഷെ അവന്‍ തളര്‍ന്നില്ല.. അതാണവന്‍..മുന്നോട്ടു വെച്ച കാല്‍ പിന്നോട്ടെടുത്തു വെക്കാത്തവന്‍.. !!!!
എല്ലാവരും ചിരിച്ചും, എതിര്‍ത്തും, അവനെ കളിയാക്കിയും നില കൊണ്ടപ്പോള്‍ ഒരാള്‍ മാത്രം അവനെ പ്രോത്സാഹിപ്പിച്ചു..
കല്യാണ ബ്രോകേര്‍ മൊയ്തീനിക്ക..
കല്യാണം എതിര്‍ത്ത വീടുകരെ കാര്യം പറഞ്ഞു മനസിലാക്കാന്‍ മൊയ്തീനിക്ക അവന്‍റെ വീടിലേക്ക്‌ പുറപ്പെട്ടു..
മൊയ്തീനിക്ക ജീവനും കൊണ്ടോടുന്നത് കാണാന്‍ കാത്തിരുന്ന ജനങ്ങളെ അത്ഭുതപ്പെടുത്തി കൊണ്ടു ചിരിച്ച മുഖവുമായ് വിജയശ്രീ ലാളിതനായ് മൊയ്തീനിക്ക തിരിച്ചു വന്നു..
പല്ലും നഖവും വെച്ച് എതിര്‍ത്ത വീട്ടുകാരോട് മൊയ്തീനിക്ക പറഞ്ഞു പോലും,
"കല്യാണം കഴിഞ്ഞാല്‍ ചെക്കന്‍ തടിക്കും.. അങ്ങനെ നിങ്ങളുടെ ഭകഷ്യ പ്രതിസന്ധിയും തീരും " എന്ന്..
കര്‍ത്താവെ..!!!
(ബുദ്ധിയില്ലാത്തവര്‍ കല്യാണം കഴിപ്പിച്ചു വിട്ടാല്‍ ചിലപ്പോള്‍ കല്യാണശേഷം നന്നാകും എന്ന് പറഞ്ഞാല്‍ പോലും ചിരിക്കാത്ത നാട്ടുകാര്‍ ഇത് കേട്ടു ഊറി ഊറി ചിരിച്ചു.. )

എന്തായാലും അവന്‍റെ കല്യാണം നടത്താന്‍ വീട്ടുകാര്‍ തീരുമാനിച്ചു..

"ഒരു സുഹൃത്തിനെയും കൂട്ടി നാളെ പെണ്ണ് കാണാന്‍ പോകണം" ഇതും പറഞ്ഞു മൊയ്തീനിക്ക വീട്ടില്‍ നിന്നും ഇറങ്ങി..
വൈകിട്ട് സിനുവിന്റെ ചുറ്റും കൂട്ടുകാര്‍ വളഞ്ഞു..
അവര്‍ക്കെല്ലാവര്‍ക്കും അവന്‍റെ കൂടെ പെണ്ണ് കാണാന്‍ പോകണമെന്ന്..
എന്തായാലും അവന്‍റെ നറുക്ക് ഞങ്ങള്‍ക്കാര്‍ക്കും വീണില്ല..
പകരം എഴാം ക്ലാസ്സില്‍ പഠിക്കുന്ന ഒരു പയ്യനെ അവന്‍ സെലക്ട്‌ ചെയ്തു..
ഇത് കേട്ട ഞങ്ങള്‍ ഞെട്ടി തരിച്ചു..
"എന്തിനാട നീ അവനേം കൊണ്ടു പോകുന്നത്??"
ഞങ്ങള്‍ ചോദിച്ചു..
"നിങ്ങളേം കൊണ്ടു പോയാല്‍ ഞാന്‍ ചെറുതാണെന്ന് അവര്‍ക്ക് തോന്നും.. അവനേം കൊണ്ടു പോകുവണേല്‍ ഞാന്‍ വല്യ ആളാകും....അതാ.."
"എടാ.. പെണ്ണെന്ത്, പിടക്കോഴി എന്തെന്നറിയാത്ത ഈ ചെക്കനേം കൊണ്ടു പോയാല്‍ നീ നാറും എന്ന കാര്യത്തില്‍ ഒരു സംശയോം വേണ്ട.."
പക്ഷെ അവന്‍ അതൊന്നും ചെവി കൊണ്ടില്ല..
അവന്‍ ആ പയ്യന്റെ നേരെ തിരിഞ്ഞു..
"മോനെ.. നീ വളരെ പക്വമായി പെരുമാറണം കെട്ടാ.."
"എന്തോന്നാ???"
അവന്‍ പക്വമായി എന്നാലെന്ത എന്നറിയാനുള്ള പക്വത പോലുമില്ല..
എന്തായാലം പക്വത എന്താണെന്നും, അത് പ്രകാരം എങ്ങനെ പെരുമാറണമെന്ന് പഠിപ്പിച്ചു സിന് അവനേം കൊണ്ടു പെണ്ണ് കാണാന്‍ പോയി..

രാവിലെ 10 മണിക്ക് തന്നെ പെണ്ണിന്റെ വീട്ടില്‍, ഒരു ബൈക്കില്‍ ചെറുക്കനും ചെക്കനും ചെന്നിറങ്ങി..,
ബൈക്കില്‍ നിന്നിറങ്ങിയ ഉടന്‍ ചെറുക്കന്‍ ബൈക്ക് ഗ്ലാസ്‌ നോക്കി മുടി ചീകുന്നു..
പെട്ടെന്ന് വീടിന്റെ അകത്തു നിന്നും ഒരു കിളിനാദം..
"ആരാ???"
സിനു മുഖം ഉയര്‍ത്തി നോക്കി..
അതേ.. ഇതവള്‍ തന്നെ.. അവന്റെ സഖി ആകാന്‍ പോകുന്നവള്‍..അവന്‍റെ നടുപ്പാതി..
ഫോട്ടോയില്‍ കണ്ടതിനെക്കാളും സുന്ദരി..
"ആരാന്നാ ചോദിച്ചേ.."
കിളിനാദം വീണ്ടും ഉയര്‍ന്നു..
സിനു ഉത്തരം പറഞ്ഞില്ല.. കാരണം അവനു നാണം വന്നു!!!!!!!!
ഉത്തരം കൂടെ വന്നവന്‍ പറയട്ടെ എന്ന് കരുതി അവന്‍ കൂടെ വന്ന ചെക്കനെ നോക്കി..
അവന്‍റെ കണ്ണ് തള്ളി പുറത്തേക്കു വന്നു..
പെണ്ണ് കാണാന്‍ കൂട്ടിനു വന്ന കൂട്ടുകാരന്‍ വീടിന്റെ മുമ്പിലുള്ള മാങ്ങാ മരത്തിലേക്ക് കല്ലെറിയുന്നു..
അവന്‍ പക്വത കാണിക്കുവാ..
കര്‍ത്താവേ.. !!!!!!!! സിനു അറിയാതെ വിളിച്ചു പോയി..
അവന്‍ എങ്ങനെയൊക്കെയോ പോയി ചെക്കനെ പിടിച്ചോണ്ട് വന്നു..
"ആരാ???"
പെണ്ണ് വീണ്ടും ചോദിച്ചു..
സിനു ചെക്കനെ നോക്കി.. അവന്‍ ഇപ്പോഴും മരത്തില്‍ മാങ്ങയെ നോക്കുന്നു..
ഇനി അവനെ നോക്കിയിട്ട് കാര്യമില്ല എന്ന് മനസിലാക്കിയ സിനു നാണത്തോടെ നഖം കൊണ്ടു കളം വരച്ചു പെണ്ണിനോട് ചോദിച്ചു..
"അച്ചനില്ലേ അകത്തു..??"
"ഉണ്ട്.. " പെണ്‍കുട്ടിയുടെ ഉത്തരം..
"ഒന്ന് വിളിക്കാമോ??"
ഇത് കേട്ടതും പെണ്‍കുട്ടി അകതോട്ടു നോക്കി വിളിച്ചു പറഞ്ഞു..
"ദേ അച്ഛാ.. രണ്ടു പിള്ളേര് അച്ഛനെ കാണാന്‍ വന്നിരിക്കുന്നു.."
ആ വാക്ക് കേട്ടതും നാണം വിളയാടിയ സിനുവിന്റെ മുഖത്ത് വെള്ളിടി വെട്ടി..
രണ്ടു പിള്ളേര്‍ കാണാന്‍ വന്നിരിക്കുന്നു എന്ന്..!!!!
അധികം ആലോചിച്ചു നില്‍കാതെ അവന്‍ ബൈക്കില്‍ ചാടി കയറി..
"വേഗം വണ്ടിയില്‍ കേറടാ.."
"അപ്പൊ പെണ്ണ് കാണുന്നില്ലേ.. ??" അവനു സംശയം..
"വേണ്ടേ.. കേട്ടെടുത്തോളം മതി.. ഇനി കാണാന്‍ കൂടി വയ്യാ.. "

പെണ്ണ് കാണാന്‍ പോയവന്‍ പെണ്ണും വേണ്ട പെരിച്ചാഴിയും വേണ്ട എന്നും പറഞ്ഞു അവന്‍റെ ലോകത്തേക്ക്..
നിറയെ ഭക്ഷണങ്ങള്‍ മാത്രമുള്ള അവന്‍റെ ജീവിതത്തിലേക്ക്..

32 comments:

  1. ha ha ha ha... ayyooooooooo ... eniku chiri nirthaan pattanilleee... njan pennu kaanan poyalum ithu thanne mikavarum kelkum.. :)

    ReplyDelete
  2. @Tomy.. Hey.. pedikkenda.. koode ennepole ulla areyelum kondupoya mathi.. lol.. :D

    ReplyDelete
  3. കൊള്ളാം കുട്ടാ കൊള്ളാം , ആ മാങ്ങാ ഏറു കലക്കി .................. ഇത് നിന്റെ സ്വന്തം കഥ ആണോ മോനെ ????????

    ReplyDelete
    Replies
    1. aa manga erinjavanayirikkum ivan,.hahahaa

      Delete
  4. sinu arinnjo ni ithu ezhuthiyathu... mungi nadanno... :)

    ReplyDelete
  5. @Sobin...Avanu ethippidikkan pattatha doorathila njan ullathu... athu kondaa dhyaryahtil ezhuthiyathu.. :P

    ReplyDelete
  6. nee adi medichee Adangoo Alley Firoze

    ReplyDelete
  7. @Orange.. Kittunnathuvare njan ezhuthum.. :P
    Anyway thanks for the comment and please do follow the blog.. :)

    ReplyDelete
  8. da chakkare...kollam orupadu improve chaythittunduuu...weldone

    ReplyDelete
  9. @Jobins.. Ninte chiri kandittu nee pennu kanan poyappozhum enthokkeyo sambhavichathu polundallo.. :D

    ReplyDelete
  10. രസകരം. നന്നായിട്ടുണ്ട് കേട്ടോ..ആശംസകൾ...

    ReplyDelete
  11. ഹും.. വായിച്ചു...

    ReplyDelete
  12. @മുല്ല and Rashid.. ഒരായിരം നന്ദി..

    ReplyDelete
  13. @sreejithdesigner... Thanx Yaarr... :)

    ReplyDelete
  14. കലക്കി ഫിറോസ്,
    പറഞ്ഞു പഴകാത്ത ഈ നര്‍മ്മ കുറിപ്പുകള്‍ക്ക് നന്ദി.

    ReplyDelete
  15. ഫിറോസ്‌ ............................... വീണ്ടും വീണ്ടും നന്നായിട്ട് തന്നെ അവതരിപിച്ചു (പിന്നെ നിന്റെ സര്‍ട്ടിഫിക്കറ്റ് കിട്ടിയിട്ട് വേണ്ടേ എനിക്ക് എന്നല്ലേ ചിന്തിക്കുന്നത് ,... ആ )

    ReplyDelete
  16. ഹ ഹ.. ദിങ്ങനെ ചിരിപ്പിക്കല്ലിഷ്ടാ...

    കലക്കി മാഷേ...

    ഓരോ പോസ്റ്റും ഉജ്വലമാകുന്നുണ്ട്...

    ReplyDelete
  17. കലക്കി കേട്ടോ...

    ReplyDelete
  18. മാങ്ങാ ഏറു നന്നായി

    ReplyDelete
  19. manga earu superaayi machuuu nee paranhathu nannaayi ini pennu kaanaan pokumbol kudumbathile kaaranavareyum kootti pokaaammmm

    ReplyDelete
  20. chirichu chirichu karanju poyi mone.....

    ReplyDelete
  21. മാങ്ങാ ഏറു കലക്കി................

    ReplyDelete
  22. superb yaar, keep writing. Really a funny story.

    ReplyDelete
  23. ഫിറോസേ!!!!!എന്നെ അങ്ങ്‌ കൊന്നേക്ക്‌.ചിരിച്ച്‌ ചാകുന്നതിലും ഭേദമാാ.

    ReplyDelete

ഈ പോസ്റ്റ്‌ വായിച്ചിട്ട് നിങ്ങള്‍ മിണ്ടാതെ പോയാല്‍ ഇവിടൊന്നും സംഭവിക്കില്ല,സാധാരണ പോസ്റ്റ്‌ പോലെ ഈ പോസ്റ്റും കടന്നു പോകും..
പക്ഷെ നിങ്ങളുടെ ഒരു കമന്റ്‌, അത് ചരിത്രമാകും.. പിന്നാലെ വരുന്ന ഒരുപാട് പേര്‍ക്ക് കമന്റ്‌ എഴുതാന്‍ പ്രചോദനം നല്‍കുന്ന ചരിത്രം.. :)

മുഖം മനസ്സിന്റെ കണ്ണാടി.. മുഖപുസ്തക അഭിപ്രായം ഇവിടെ...